Romana Ganzoni Flurina Badel

Projekt

Dürant double lavura Flurina Badel cun la mentura Romana Ganzoni vi da seis proget da roman vallader cul titel da lavur „Ballöm“ chi raquinta l’istorgia dad Aita chi tuorna a viver i’l cumünet in Engiadina Bassa, ingio ch’ella es creschüda sü dürant ils ons 80/90, davo cha sia mamma moura e sia chasa paterna es gnüda vendüda. Ma in cumün nu chatt’la plü quella cumünanza, ch’ella vaiva bandunà avant 15 ons per ir a stübgiar e lavurar a Vienna. Ed eir ella svessa nun es plü la listessa. Aita as sperda vieplü, refüsa mincha contact social ed as cumporta vieplü agressiva invers ils nouvs possessurs da la chasa paterna, fin ch’ella surpassa il cunfin da l’illegalità.